Antes de comezar a explicación cabe destacar que a factoría que actualmente pertence a Alcoa antiguamente pertencía ao estado (como xa mencionei na primeira entrada do blog) entón vai a ser este o que decida a súa ubicación.
A continuación nunha lista vou expoñer os factores que condicionaron o emplazamento da industria.
- O estado pretendía potenciar o noroeste peninsular (zona marcada en vermello) coa implantación de industrias para homoxeneizar a industria en todo o territorio.
- Precisaban que o lugar onde se iba instalar a fábrica fora un sitio de costa para poder desembarcar a bauxita (materia prima necesaria para obter o aluminio), fuel, sosa caústica e diferentes materiais necesarios para a producción.
- Nun principio optouse por instalala en Vilagarcía pero esta opción foi rexeitada pola negación da poboación a súa instalación, polo que as Rias Baixas deixaban de ser unha opción.
- As zonas cercanas a Euskadi e a Ferrol foron descartadas dende un principio porque eran as que aglutinaban a maioría da industria da cornisa cantábrica (en Ferrol estaba ubicada a antiga Bazán e Euskadi era o enclave industrial de España por excelencia).
- As zonas cercanas a A Coruña e a Avilés tamén foron descartadas debido a que o estado xa había instalado duas prantas productoras de Aluminio.
Que ofrecía a parroquía de Lago que non ofrecía outro lugar?...
- Unha baía natural ideal para establecer un porto de carga e descarga.
- Estaba nunha zoa onde a industria apenas existía.
- Os terreos necesarios para a industría eran de gran tamaño e polo tanto había que negociar con "moi pouca xente".
- A cercanía da central de As Pontes facía posible a obtención dunha gran cantidade electricidade (necesaria para o proceso electrolítico) o cal provocou entre outros motivos que se cancelara a instalación dunha planta nuclear na parroquía de Vilachá (a 5 Km da planta de Alcoa).
Nas seguintes entradas intentarei poder achegar algunha entrevista que facerei ás persoas que se viron afectadas directamente pola implantación da fábrica na súa parroquia ademais que empezarei a explicar a evolución da fábrica e do seu entorno.
